VIR ONS OUERS

Ouerhoek

Belangrike inligting, vorms en riglyne om jou kind se skooldae makliker te maak.

Praktiese inligting vir ouers

Alles wat jy moet weet om jou kleuter se skooldag makliker en gelukkiger te maak.

Gesondheid en voeding

  • Laat weet ons asseblief van allergieë en enige besondere gesondheidsbehoeftes.
  • Volg die skool se riglyne oor kosblikke en drinkbottels.
  • Ons moedig gesonde eetgewoontes en goeie higiëne aan.
  • Vra gerus vir die jongste ouerhandleiding.
  • ’n Afskrif van jou kleuter se immuniseringskaart moet saam met die aansoek om toelating ingedien word.
  • Siek kleuters moet asseblief tuis bly. ’n Siek maatjie kan ander kinders en juffrouens aansteek.
  • Indien jou kleuter koors of diarree ontwikkel, moet hy of sy eers 12 uur lank simptoomvry wees voordat hy of sy terugkeer skool toe.
  • Indien jou kleuter by die skool siek word, sal ons die ouers onmiddellik kontak.
  • Volgens die skool se beleid dien ons nie medikasie by die skool toe nie.
  • Beperk jou kind se suikerinname en moedig gesonde gewoontes aan.
  • Indien ’n besering plaasvind, sal ’n personeellid die kleuter bystaan en versorg, en die ouers van die besering inlig.

Kleredrag

  1. Ons vlinder-hempie word Vrydae saam met ’n blou denimbroekie gedra. Pryse is gewoonlik in Januarie beskikbaar.
  2. Alle klere moet asseblief duidelik gemerk wees sodat die eienaar maklik opgespoor kan word.
  3. Dogtertjies is welkom om rokkies te dra. Trek asseblief ’n kortbroekie of skibroekie daaronder aan.

Verlore goedere

  1. Indien jou kleuter met iets by die huis aankom wat nie aan hom of haar behoort nie, stuur dit asseblief terug skool toe.
  2. Daar is ’n krat met verlore goedere wat ouers kan deursoek.

Waarmee kom ek elke dag skool toe?

  1. ’n Duidelik gemerkte tassie.
  2. ’n Duidelik gemerkte kossakkie met ’n kosblik en gemerkte waterbottel.
  3. ’n Ekstra stel gemerkte klere vir onvoorsiene glipsies.

Wat bly by die huis?

  1. Speelgoed van die huis af: Daar is genoeg ouderdomsgepaste speelgoed in elke klassie.
  2. Lekkergoed, behalwe op Vrydae wanneer dit lekkergoeddag is.
  3. Kougom.
  4. Juweliersware en ander waardevolle items, soos ringe, horlosies, sonbrille en selfone.

Verjaarsdae

  1. Verjaarsdae is baie spesiaal! Ons hou ’n verjaarsdagkring en die kleuter wat verjaar, kry ’n kroon.
  2. Ouers kan verjaarsdagpakkies vir die hele klas saamstuur op die Vrydag naaste aan hul kleuter se verjaardag.
  3. Ons vier verjaarsdae op Vrydae.

Skoolure

  • Aflaaityd is vanaf 06h45
  • Halfdag maats kan tussen 12h00 – 13h00 opgelaai word
  • Skool sluit om 17h45
  • Opvoedkundige program begin stiptelik daagliks om 08.00. Reel asb dat u kleuter voor 08.00 arriveer ander ontwrig dit die leerders ind die klassie
  • Kleuterskool is toe gedurende openbare vakansiedae en skoolvakansies( daar is wel vakansie-skool wat gedurende vakansies aangebied word)
  • Die kleuterskool sluit vir ongeveer drie(3) weke gedurende Desember/Januarie
  • Datums beskikbaar op jaarlikse kalender