Waar klein vlerkies groot drome ontdek.

’n Skool met ’n groot hart

Harties Vlinders Kleuter Akademie het sy deure geopen in Januarie 2016 en ons is baie trots op ‘n puik skool, met hoë standaarde.

Daar heers ‘n huislike en persoonlike atmosfeer onder die personeel, kleuters en ouers. Dit is vir ons van uiterste belang om elke kleuter tot sy/haar volle potensiaal te ontwikkel, op liggaamlike en emosionele vlak. Ons werk nie net by Harties Vlinders Kleuter Akademie nie, maar het ook hope pret. Gekwalifiseerde personeel bied die klasse op ‘n interessante en informele wyse aan. Ons volg ook ‘n streng roetine in die klas om te verseker dat alle leer areas gedek word.

Die speelterrein is kleuterveilig en kleutervriendelik. Dit beskik oor genoegsame klim apparaat om te help met gesonde spier ontwikkeling, ‘n gesonde gees en liggaam, en om energieke kleuters die geleentheid te bied om hulle energie op ‘n gesonde wyse te benut.

Harties Vlinders Kleuter Akademie streef daarna om ouers te help met die versorging en leiding van hul kleuters, deur die vroeë stadiums van hul lewensreis. Met liefde, sorg en passie vir kinders, bied ons ‘n veilige omgewing, waar U kind met oorgawe hul selfvertroue kan ontwikkel tot sy/haar volle potensiaal, deur deelname aan opvoedkundige speletjies, sport aktiwiteite en spesiale stimulerende programme.